رۆژانه‌ نێزیكی 650 ته‌نێن گلێشی ل دهۆكێ‌ دهێنه‌ ڤاڤارتن

ل كارگه‌ها كواشێ‌ یا ڤاڤارتنا گلێشی رۆژانه‌ نێزیكی 650 ته‌نێن گلێشی دهێنه‌ ڤاڤارتن و ژێك جوداكرن و مفا ژێ‌ دهێته‌ وه‌رگرتن. ئه‌ندازیاره‌كی ژی دیار كر، ئه‌گه‌ر پشته‌ڤانی بهێته‌ كرن و شیان هه‌بن، ئه‌م دا شێین ل ناڤخۆیا كارگه‌هان گه‌له‌ك كه‌ل و په‌لێن دی و ئامیرێن نافمالێ‌ یێن پاقژكرنێ‌ و یاریێن زارۆیان چێكه‌ین و گه‌له‌ك مفا تێدا هه‌نه‌ و ده‌لیڤێن كاری بۆ گه‌نجان په‌یدادبن و ئه‌و گلێشه‌ هه‌موو دبنه‌ مادێن مفادار و هنده‌ك كه‌ره‌سته‌ ژی دبنه‌ مادێ كومپۆست و بۆ چاندنێ‌ دهێته‌ بكارئینان.

دیار سادق سه‌عید، ماسته‌ر ب كارگێریا گلێشی و ئه‌ندازیار ل رێڤه‌به‌ریا گشتیا باژێرڤانیان ل پارێزگه‌ها دهۆكێ‌ دیار كر، رۆژانه‌ نێزیكی 600 هه‌تا 650 ته‌نێن گلێشی بۆ كارگه‌ها كواشێ‌ یا ڤاڤارتن و جوداكرنا گلێشی دهێنه‌ ره‌وانه‌كرن و ژێك دهێنه‌ جوداكرن و كه‌ره‌سه‌تیێن باش دبنه‌ ماده‌ و دهێنه‌ فرۆتن و كه‌ره‌ستێن خراب ژی دهێنه‌ بنئاخكرن.
ئاشكرا ژی كر كو كاركرنا كرێكارێن كارگه‌هێ‌ سێ‌ شه‌فتن و هه‌ر شه‌فته‌ك زێده‌تر ژ 200 ته‌نان ژێك دڤاڤێریت و نها ژ به‌ر كێمیا سۆته‌مه‌نیێ‌ جاران دبنه‌ دوو شه‌فت و پشتی ژێك دهێته‌ ڤاڤارتن ژی، ئاسن بۆ كارگه‌هێن هه‌ولێر و سلێمانیێ‌ دچیت و كه‌ره‌ستێن هشك وه‌كو ئه‌لمنیوم و شیشه‌ و نایلۆن و كارتون ب رێكێن جودا بۆ كارگه‌هێن ده‌رڤه‌ی وه‌لاتی دچن.
ئه‌ندازیار دیار سه‌عید ئاشكرا ژی كر، ئه‌گه‌ر پشته‌ڤانی بهێته‌ كرن و شیان هه‌بن، ئه‌م دا شێین ل ناڤخۆیا كارگه‌هان یاریێن زارۆیانو گه‌له‌ك كه‌ل و په‌لێن دی چێكه‌ین و گه‌له‌ك مفا تێدا هه‌نه‌ و ده‌لیڤێن كاری بۆ گه‌نجان په‌یدادبن و ئه‌و گلێشه‌ هه‌موو دبنه‌ مادێن مفادار و هنده‌ك كه‌ره‌سته‌ ژی دبنه‌ مادێ كومپۆست و بۆ چاندنێ‌ دهێته‌ بكارئینان.
خویاژی كر كو ئه‌ڤ كارگه‌ها كواشێ‌ ئێكه‌مین كارگه‌هه‌ ل سه‌ر ئاستێ‌ كوردستانێ‌ و عیراقێ‌ شیان هه‌نه‌ هه‌موو كه‌ره‌ستێن هشك و خوارنێ‌ ب رێژه‌یه‌كا مه‌زن ژێك دڤاڤێریت.
ئه‌ندازیار دیار ئاشكرا ژی كر، ل سالا 2011 كارگه‌ها ڤاڤارتن و جوداكرنا گلێشی ل كواشێ‌ هاتیه‌ دانان و ئه‌م ئیكه‌م باژێربووین د وی ده‌می دا ل سه‌رانسه‌ری عیراقێ‌ و هه‌رێمێ‌ كارگه‌هه‌كا ب ڤی شێوه‌ی بهێته‌ دانان، ئه‌و كارگه‌ها هاتیه‌ دانان شیانێن ژێكجوداكرن و ڤاڤارتنا 500 ته‌نێن گلێشی د رۆژێ‌ دا هه‌بووینه‌ ب رێیا سێ‌ شه‌فتا، به‌لێ‌ ل سالا 2013 ژ به‌ركو گلێش زۆربوو، ناچاربوون كارگه‌هه‌كا دی هاته‌ دانان و بوونه‌ دوو كارگه‌هـ، نها رۆژانه‌ 600 هه‌تا 650 ته‌نان ژ دهۆك و سێمێلێ‌ و كه‌مپێن ئاواران دگه‌هنه‌ كارگه‌هێ‌.
زێده‌تر دبێژیت: ل كارگه‌هێ‌ پلاستیك و ئه‌له‌مونیوم و شیشه‌ و كارتون و ئاسن و گینیك ژێك دهێنه‌ جوداكرن و خوارن ژی ژێك دهێته‌ جوداكرن و دبیته‌ ماده‌یێ‌ كۆمپۆست و گۆت: ئه‌گه‌ر پشته‌ڤانی بهێته‌ كرن و شیان هه‌بن، ئه‌م دا شێین ل ناڤخۆیا كارگه‌هان گه‌له‌ك كه‌ل و په‌لێن دی و ئامیرێن نافمالێ‌ یێن پاقژكرنێ‌ و یاریێن زارۆیان چێكه‌ین و گه‌له‌ك مفا تێدا هه‌نه‌ و ده‌لیڤێن كاری بۆ گه‌نجان په‌یدادبن و ئه‌و گلێشه‌ هه‌موو دبنه‌ مادێن مفادار و هنده‌ك كه‌ره‌سته‌ ژی دبنه‌ مادێ كومپۆست و بۆ چاندنێ‌ دهێته‌ بكارئینان.