ل باگێرا بازاره‌كێ‌ هه‌ڤچه‌رخ و حه‌فتیانه‌ بۆ به‌رهه‌مێ‌ خۆمالی دهێته‌ ڤه‌كرن





بۆ جارا ئێكێ‌ ل سه‌ر ئاستێ‌ پارێزگه‌ها دهۆكێ‌، بازاره‌كێ‌ هه‌چه‌رخ و حه‌فتیانه‌ بۆ جۆتیاران ل كۆمه‌لگه‌ها باگێرا سه‌ر ب ناحیا زاویته‌ڤه‌ دهێته‌ ڤه‌كرن.

ئه‌ڤرۆ رۆژا ئه‌ینی بۆ جارا ئێكێ‌ بازاره‌كێ‌ هه‌چه‌رخ ل كۆمه‌لگه‌ها باگێری سه‌ری ناحیا زاویته‌ یا سه‌ر ب قه‌زا دهۆكێ‌ ڤه‌ هاته‌ ڤه‌كرن و ئه‌ڤ بازاره‌ ب تنێ‌ بۆ نیشاندانا به‌رهه‌مێ‌ خۆمالی یێ‌ جۆتیاران و فرۆتنا وی به‌رهه‌می یه‌ و بۆ هندێ‌ یه‌ گرنگی ب به‌رهه‌مێ‌ خۆمالی بهێته‌ دان و هه‌موو رۆژێن ئه‌ینی ل ده‌مژمێر 2:00 نیڤرۆ هه‌تا 6:00 ئێڤاری دێ‌ هێته‌ ڤه‌كرن.

ئه‌ڤ بازارێ‌ هه‌ڤچه‌رخ ژلایێ‌ رێڤه‌به‌ریا گشتیا چاندنێ‌ ڤه‌ هاتیه‌ ڤه‌كرن و رێكخراوا یۆنیسكۆ یا جیهانی پشته‌ڤانیا ڤی بازاری دكه‌ت و ئه‌ردێ‌ بازاری ژلایێ‌ سه‌رۆكاتیا باژێرڤانیا باگێرا ڤه‌ هاتیه‌ دابینكرن.

15 جۆتیارێن ده‌ڤه‌رێ‌ كو هنده‌ك ژ وان جۆتیارێن ئافره‌تن به‌رهه‌ڤی بازاری بووینه‌ و به‌رهه‌مێن خوه‌ نیشان دده‌ن و جۆتیار به‌رهه‌مێن خوه‌ راسته‌وخۆ د فرۆشنه‌ هاوولاتیان.