رێڤه‌به‌رێ‌ گشتی سه‌ره‌دانه‌كا مه‌یدانی بره‌ ناحیا چه‌مانكێ‌



ئه‌ندازیار دیار به‌حری ره‌سول، رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ سه‌ره‌دانه‌كا مه‌یدانی بره‌ ناحیا چه‌مانكێ‌ و ژ نێزیك پێداچوون د ئاریشه‌ و كێماسیێن ده‌ڤه‌رێ‌ دا كر و گه‌نگه‌شه‌ ل سه‌ر ئه‌نجامدانا نووترین پرۆژه‌یان بۆ ده‌ڤه‌رێ‌ كر.

رێڤه‌به‌رێ‌ گشتیێ‌ د سه‌ره‌دانا خوه‌ دا بۆ لایێ‌ به‌رپرسێ‌ لیژنا پارتی ل چه‌مانكێ‌ (جه‌مال ئه‌ره‌دنی) و رێڤه‌به‌رێ‌ ناحیا چه‌مانكێ‌ (ئه‌لند ئه‌میر كۆگه‌) به‌حس ل هندێ‌ كر كو دڤێت پلانه‌كا باش بۆ ئه‌نجامدانا پرۆژه‌یان بۆ ده‌ڤه‌را چه‌مانكێ‌ بهێته‌ دانان و كار ل سه‌ر هندێ‌ بهێته‌ كرن پرۆژه‌یێن باش ل گۆره‌ی شیانان بهێنه‌ بجهئینان و گه‌نگه‌شه‌ ل سه‌ر چاره‌سه‌ركرنا ئاریشه‌ و كێماسیێن ده‌ڤه‌رێ‌ هاته‌ كرن.

د سه‌ره‌دانه‌كا دی دا بۆ لایێ‌ سه‌رۆكا باژێرڤانیا چه‌مانكێ‌ (مه‌یاس محه‌مه‌د سالح) گه‌نگه‌شه‌ ل سه‌ر پرۆژه‌یێن نوو هاته‌ كرن و بریار هاته‌ دان لیژنه‌یه‌ك ژ رێڤه‌به‌ریا گشتی بهێته‌ پێكئینان بۆ هندێ‌ پشته‌ڤانیا باژێرڤانیا چه‌مانكێ‌ بهێته‌ كرن بۆ چێكرنا هنده‌ك ڤه‌دیتنێن نوو یێن پرۆژه‌یێن گرنگ بۆ ده‌ڤه‌رێ‌.