جاده‌یێن ئه‌ترووش ب 700 هزار دۆلاران دهێنه‌ سه‌خبێریكرن




سه‌رۆكێ‌ باژێرڤانیا ئه‌ترووش راگه‌هاند، رێكا دناڤبه‌را شێخان و ناحیا ئه‌ترووش دا ب درێژاهیا 35 كیلۆمه‌تران و ب كۆژمێ‌ 700 هزار دۆلاران دهێته‌ قێركرن.
سالم عه‌زیز به‌ره‌كات، سه‌رۆكێ‌ باژێرڤانیا ئه‌ترووش دیار كر، چه‌ندین ساله‌ رێكا سه‌ره‌كی یا ناحیا ئه‌ترووش هه‌موو ببوو ته‌سه‌ و كه‌ندو و كور و گه‌له‌ك گازنده‌ ل سه‌ر هه‌بووینه‌، به‌لێ‌ ژ به‌ر قه‌یرانا كار تێدا نه‌هاتبوو كرن، لێ‌ نها ب پشته‌ڤانیا دراڤی یا كۆمپانیا پترۆلێ‌ (HKN) و رێڤه‌به‌ریا گشتیا رێك و پرا و ب هه‌ڤكاری و سه‌رپه‌رستیا سه‌رۆكاتیا باژێرڤانیا ئه‌ترووش، ئه‌ڤ رێكه‌ ژ زالگه‌ها ئه‌ترووش هه‌تا گۆندێ‌ نسرا و رۆبه‌تكا ب درێژاهیا 35 كیلۆمه‌تران دهێته‌ قێركرن و ب كۆژمێ‌ 700 هزار دۆلاران.
ئاشكرا ژی كر كو رۆژانه‌ نێزیكی 140 ترۆمبێلێن تانكه‌ر و بارهه‌لگر هاتن و چوونێ‌ ل سه‌ر ڤێ‌ رێیێ‌ دكه‌ن و نها ده‌ست ب قێركرنا ڤێ‌ جادێ‌ هاتیه‌ كرن و ئه‌م ب ژڤانین د ماوێ‌ 10 رۆژان دا ڤێ‌ جادێ‌ ب دووماهی بینین.