پشكا پلان دانان و دووڤچوون

پشكا پلان دانان و دووڤچوون

ئه‌ڤ پشكه‌ ژ پشكێن هه‌رى گرنگه‌ ل رێڤه‌به‌ریا گشتى یا باژێرڤانیان ل پارێزگه‌ها دهۆك، ژ كومه‌كا كاران پێكدهێت

ب گوره‌ى نڤیــسارا وه‌زاره‌تا  دارایى  و ئابوورى  یا هژماره‌  (2183) ل 3/6/2018 په‌سندكرنا په‌یكه‌رێ رێكخستنا رێڤه‌بـه‌رـیا گشــتى یا باژێرڤانیان ل پـارێـزگه‌ها دهـوك، پشكا / پلان دانان و دووڤچوون  پیكدهێت ژ  هۆبا ( ته‌نده‌ر و شیانێن مروڤى )  و هژمارا فه‌رمانبه‌رین پشكێ و كارێن بڤى ره‌نگى یه‌:


كارێن پشكێ ژى بڤى ره‌نگێ ل خوارێ یه‌:

  ئێك-  هۆبا ته‌نده‌ران :

به‌رهه‌ڤكرنا ته‌نده‌رێن پروژان و راگه‌هاندنا وان پشتى رازه‌مه‌ندى ل سه‌ر ته‌رخانكرنا كوژمێ پێدڤى یێ پاره‌ى دهێته‌كرن، ژلایى دام و ده‌زگه‌هێن په‌یوه‌ندیدار، ئه‌و ژى ب هه‌ڤكارى ل گه‌ل هه‌موو سه‌روكاتیێن باژێرڤانیێن  سه‌ر ب رێڤه‌به‌ریا گشتى ڤه‌ و پشكین ( نه‌خشه‌ و خه‌ملاندن، گریبه‌ست، ژینگه‌ه و پاقژى، ئامیره‌ت و ژمیریارى ).


دوو-  هۆبا شیانێن مرۆڤى :

ڤه‌كرنا خولا و پێرابونێن پێدڤى ژبوو بلندكرنا ئاستێ فه‌رمانبه‌ران ب رێكا هـنارتنا فه‌رمانبه‌ران بو خولێن بهێزكرنا شیانان ب هه‌ڤكارى ل گه‌ل وه‌زاره‌تا شاره‌ باژێرڤانى و گــه‌شتوگــۆزار د ناڤ هه‌رێما كوردستان و ده‌رڤه‌، هه‌ردیسان بو خواندنا بلند ب رێیا به‌رنامێ تواناسازى، ئه‌و ژى ب هـه‌ڤكاریا وه‌زاره‌تین پـلان دانان و خواندنا بلند .


پشكا ناڤبرى ژ بلى كارێن سه‌رى دهه‌مان ده‌م دا ئه‌ڤان كارێن ل خوارێ ژى دكه‌ت.

1- دانانا پلانێن پروژان یێن سالانه‌ ( كورت خایه‌ن ) و پلانێن ستراتیجى (درێژ خایه‌ن ) ژ بو پروژێن وه‌زاره‌تا باژێرڤانى  و گه‌شتوگۆزار، پروژێن گه‌شه‌پێدانا  پارێزگه‌هان  و بودجێن تایبه‌ت یێن پارێزگه‌ها دهوكێ ب هه‌ڤكارى ل گه‌ل قائیمقامێن قه‌زا و هه‌مو سه‌روكاتیێن باژێرڤانیێن سه‌ر  ب رێڤه‌به‌رییا گشتى ڤه‌.

2- ره‌وانه‌كرنا راپورتێن هه‌یڤانه‌ لدور ره‌وشا ب رێڤه‌چوونا پروژان ژبو لایه‌نین په‌یوه‌ندیدار، رێكخستنا چالاكیێن سالانه‌ یێن هه‌موو سه‌روكاتیێن باژێرڤانێین سه‌ر ب رێڤه‌به‌ریا گشتى ڤه‌ , و دوویڤچوونا رێژا ئه‌نجامدانا پروژان ل سه‌ر هه‌مو بودجه‌ و ته‌مویلا  و ره‌وانه‌كرنا  وان  ژبو وه‌زاره‌تا باژێرڤانى و لایه‌نێن په‌یوه‌ندیدار .

3- توماركرنا  هه‌موو پێزانین  و  ئامارێن  پرۆژان  و نووكرنا به‌رده‌وام بو هه‌موو پروژێن دهێنه‌ ئه‌نجامدان و بجهكرن ل سنورێ رێڤه‌به‌ریا گشتى، هه‌ردیسان نووكرنا ئامارا سالانه‌ یا  ئاكنجیبونێ  یێن  هه‌موو  سه‌روكاتیێن باژێرڤانیێن سه‌ر  ب رێڤه‌به‌ریا گشتى ڤه‌ .

4- توماركرنا پێزانینا و دوویڤچوونا رێژا ئه‌نجامدانا پروژێن دهێنه‌ ئه‌نجامدان لسه‌ر پێشینا هه‌یڤانه‌ و داهاتێ باژێرڤانیا ب ریژا 17%  یێن  هه‌موو سه‌روكاتیێن باژێرڤانیێن سه‌ر  ب رێڤه‌به‌ریا گشتى ڤه‌ .



عادل عه‌بدوللا موسته‌فا