پشكا ژینگه‌هـ و خزمه‌تگوزارى

پشكا  ژینگه‌هـ و خزمه‌تگوزارى 

ئه‌ڤ پشكه‌ ژى پشكه‌كا به‌رهفره‌ه و مه‌زن یا رێڤه‌به‌ریا گشتى یا باژێرڤانیایه‌ ل پارێزگه‌ها دهۆك و ل چه‌ند هوبا پێكدهێت، بڤى ره‌نگى:


1-  هوبا سه‌رپه‌رشتى و  كاروبارێن پاقژكرنێ  .

2- هوبا لادانا زێده‌گاڤیا  .


ژبلى هوبێ، ل ئه‌ڤان پشكان چه‌ندین كار ژى هه‌نه‌، بڤى ره‌نگى:

1- پشكا ژینگه‌ه و خزمه‌تگوزارى بكارێن پێدڤى رادبیت بو دروستكرنا ژینگه‌هه‌كا پاقژ و ساخله‌م و دوویڤچوونا كومپانیێن كه‌رتێ تایبه‌ت، ئه‌وێن ب ئه‌نجامدانا كارێن پاقژكرنێ لدوڤ گرێبه‌ستا وه‌كو هه‌لگرتن، كومكرن، ڤه‌گوهاستنا گلێشێ باژێرڤانیان و كومه‌لگه‌ه و گوندا و رێیێن سه‌ره‌كى بو جهێن تایبه‌ت و بن ئاخكرنا گلێشى بشێوه‌یه‌كێ زانستى و ساخله‌م و دوویڤچوونا دروستكرنا كارگه‌هێن جوداكرنا گلێشى و كارێن وان.

2 - دووڤچوونا كارێن زێده‌گاڤیان ل سه‌ر ژینگه‌هێ و پاقژیێ ئه‌وێن ژ سه‌روكایه‌تیێن باژێرڤانیان دهێنه‌ بلندكرن بو رێڤه‌به‌ریا گشتى یا باژێرڤانیان ل دهوكێ، په‌یوه‌ندیكرن ل گه‌ل رێڤه‌به‌ر و لایه‌نێن په‌یوه‌ندیدار بو سه‌ره‌ده‌ریێ ل گه‌ل وان زێده‌گاڤیان .

3- دووڤچوونا كاروبارێن خوه‌ پاراستنا ساخله‌مێ ب ریێا پشكداربوون دكومبونێن لژنا بلند یا پاراستنا ساخله‌میا گشتى ل پارێزگه‌ها دهوكێ كو هه‌یڤانه‌ دهێنه‌ ئه‌نجامدان و رێڤه‌به‌ریا گشتى یا باژێرڤانیان ئه‌ندامه‌ دڤێ لژنێ دا.

4- كارێن جدا ب هه‌ماهه‌نگى ل گه‌ل جهێن شوله‌ژێ وه‌كو دووڤچوونا خزمه‌تگوزاریێ ل كومه‌لگه‌هێن ئاكنجیبونێ.

5- دووڤچوونا كارێن پاقژیێ و ئاڤه‌رویا ( Sanitation ) ل هه‌موو كه‌مپێن په‌نابه‌را و ئاواران ل سنورێ پارێزگه‌ها دهوكێ، دووڤچوونا پروژێن پاقژیێ و ئاڤه‌رویا ئه‌وێن دهێنه‌ بجهكرن ژلایێ رێكخراوێن  UN یان رێكخراوێن نه‌حكومى ڤه‌.